TUMO Labs & SAP
Ընդլայնված պլանավորում և վերլուծություն
Նախագծի մասին
Վերջին տարիների իրադարձությունների արդյունքում ամենաշատը տուժեցին բիզնեսները, դրանց ներկան անկայուն է, իսկ ապագան` անկանխատեսելի: Նման իրավիճակներում որոշումների կայացումը պետք է հիմնված լինի տվյալների վրա, որոնք ձևավորվել են` ոչ թե մի քանի գործիքի օգտագործմամբ ու անձնական դատողություններից ելնելով, այլ ժամանակակից տեխնոլոգիաների կիրառմամբ և կանխատեսվող սցենարներով:
Թումո լաբերի և աշխարհում ձեռնարկությունների ծրագրային ապահովմամբ զբաղվող առաջատար SAP ընկերության «Ընդլայնված պլանավորում և վերլուծություն» նախագիծը բաղկացած է 2 ենթանախագծից, որոնց կարող եք դիմել և՛ անհատական, և՛ խմբով:
Նախագծի սկիզբ` հուլիսի 6, 2022
Տևողություն` 3-4 ամիս
Լեզուն` անգլերեն
Ձևաչափը` առցանց
Դիմելու վերջնաժամկետ` հունիսի 19, 2022
Վճար` մասնակցությունն անվճար է
Կարող են մասնակցել` կարող են մասնակցել` 18 տարին լրացած և պահանջվող հմտություններին տիրապետող ցանկացած ոք` անհատապես կամ խմբով:
Ուշադրություն` կարելի է դիմել մի քանի ենթանախագծի, բայց վերջնական հնարավոր է մասնակցել դրանցից միայն մեկին:
Բազմաթիվ իրական նախագծեր բախվում են անորոշությունների` ամենատարբեր աղբյուրներից: Այս նախագիծը ուսումնասիրելու է մեքենայական ուսուցման մեթոդների կիրառությունը անորոշության խնդրի շրջանակներում` դիտարկելով հավանականության և մեքենայական տրամաբանության մոտեցումները:Ուսանողներին խրախուսվում է ներկայացնել դեմո տարբերակ` հիմնված թեստի տվյալների վրա, այնուհետև փորձարկել ալգորիթմներ՝ վերոնշյալ խնդրին լուծում ստանալու համար:
Նախագծի մասնակիցները`
- Պատրաստելու են զեկույց` մանրամասնելով տարբեր մոտեցումները և դրանց դրական ու բացասական կողմերը:
- Ստեղծելու են տվյալների հետ աշխատող դեմո տարբերակ, որը, օրինակ, հաշվարկում է արդյունքներից յուրաքանչյուրի հավանականությունը անորոշության պայմաններում:
- Պատրաստելու են հաշվետվություն կիրառված ալգորիթմների և տեխնիկայի վերաբերյալ:
Պահանջվող գիտելիքներ
Նախագծին կարող են մասնակցել STEM (գիտություն, տեխնոլոգիա, ճարտարագիտություն, մաթեմատիկա) ոլորտի ուսանողները կամ երիտասարդ մասնագետները:SAP ծրագրակազմը շարունակաբար աշխատում է աղյուսակներում, CVS ֆայլերում կամ Excel-ում պահվող կառուցվածքային տվյալների հետ: Մասնակիցներից որպես նախապայման պահանջվում է Knowledge graph-երի և հայեցակարգի կառուցման իմացություն, որից հետո հետազոտության անցկացում և այնպիսի տարբերակների ուսումնասիրում, որոնք կարող են նպաստել տվյալներից Knowledge graph-երի դուրսբերմանը:
Նախագծի մասնակիցները`
- Ընտրելու են ակադեմիական 3-5 մոտեցում UI-ի փոխազդեցությունների հիման վրա օգտատիրոջ մտադրությունը պարզելու համար` հիմնավորելով իրենց ընտրությունը:
- Կիրառելու են մոտեցումները UI-ի փոխազդեցության տվյալների համար և գնահատելու են մոտեցման համապատասխանությունը տվյալների տեսակին, որակին, սահմանափակումներին և այլ գիտելիքներին:
- Որպես վերջնական արդյունք ստեղծելու են զեկույց ընտրված մոտեցումների և գնահատման արդյունքների մասին, ներառյալ յուրաքանչյուր մոտեցման դրական և բացասական կողմերը, համեմատությունը/հակադրությունը և մոտեցումների դասակարգումը: