Ադապտիվ ծրագրային համակարգերն ու ինտերֆեյսերը այսօր նոր հասկացություն են հավելվածների, մասնավորապես ձեռնարկատիրական հավելվածների համար, սակայն նոր հետազոտությունները և վաղ կիրառությունները ցույց են տալիս այս ուղղությամբ աճի միտում:

Նախագծի մասնակիցները`

• Կատարելու են գրականության ուսումնասիրություն մինչև այսօր ադապտիվ համակարգերի հետազոտության և նմանատիպ հասկացությունների վերաբերյալ:
• Նույնականացնելու են ծրագրային համակարգերում օգտատերերի ադապտիվության ճյուղավորումները կամ հարակից հետազոտական ուղղությունները:
• Կազմելու են գրականության ուսումնասիրության հիման վրա մշակված տեխնիկական ուղեցույցներ կամ լավագույն փորձ:

Պահանջվող գիտելիքներ

Նախագծին կարող են մասնակցել STEM (գիտություն, տեխնոլոգիա, ճարտարագիտություն, մաթեմատիկա) ոլորտի ուսանողները կամ երիտասարդ մասնագետները:

Բիզնես համատեքստում օգտատերերի վարքագիծը և վերլուծությունը հասկանալու համար տվյալների կետերը հաճախ սահմանափակ են: Սովորաբար հասանելի են լինում միայն ստեղնաշարի սեղմումը, գրաֆիկական UI-ի գործողությունների հետքերը կամ այլ տվյալներ, որոնք հավաքագրված են պերիֆերիկ սարքերից (օրինակ՝ համակարգչային մկնիկից): Հանրությանը հասանելի տվյալները կարող են ավելի ցածր կիրառելիություն ունենալ ձեռնարկության ծրագրային ապահովման համատեքստում և սովորաբար բացակայում են:

Նախագծի մասնակիցները`

• Ստեղծելու են տվյալների բազա:
• Ուսումնասիրելու են տվյալների բազայի ստեղծման մեթոդական մոտեցումներն ու լավագույն փորձը:
• Կատարելու են տվյալների վերլուծություն՝ կապված օգտատերների համատեքստային հասկացման հետ:
• Կատարելու են իրագործելիության վերլուծություն

Պահանջվող գիտելիքներ

Նախագծին կարող են մասնակցել տվյալագիտության, համակարգչային գիտությունների կամ հարակից ոլորտների ուսանողները կամ երիտասարդ մասնագետները:

Տվյալների վրա հիմնված UX գնահատումը չափազանց արդիական թեմա է ծրագրային ապահովման ոլորտում: UX հարցումների վերլուծությունը կարող է մանրամասն տեղեկատվություն տրամադրել UX-ի մասին, սակայն այն դժվարությամբ է մասշտաբվում, քանի որ օգտատերերը պետք է հարցումները լրացնեն ձեռքով: Սեղմումների տվյալների վերլուծությունը այդ առումով ավելի օգտակար է, սակայն չի տրամադրում մանրամասն պատկերացումներ այն մասին, թե իրականում ինչ են փորձառություն են ունենում օգտատերերը: UX-ի մասին մանրամասն տեղեկատվություն ստանալու մասշտաբվող միջոց կարող է ծառայել օգտատիրոջ դեմքի արտահայտությունը վերլուծելը, երբ նա շփվում է հավելվածի հետ:

Նախագծի մասնակիցները`

• Ստեղծելու են կրկնակի օգտագործման կոդ, որը թույլ է տալիս հասկանալ մոդելի կառուցման և գնահատման գործընթացը:
• Վերլուծելու են մոդելի ճշգրտության վրա իրական ժամանակի և վեբ-տեսախցիկի պատկերի սահմանափակումների ազդեցությունը:
• Դուրս բերելու առաջարկություններ ապագա հետազոտությունների համար:

Պահանջվող գիտելիքներ

Նախագծին կարող են մասնակցել տվյալագիտության, համակարգչային գիտությունների, մաթեմատիկայի կամ հարակից ոլորտների ուսանողները կամ երիտասարդ մասնագետները: