Թումո լաբերն անցկացնում է 5-շաբաթյա DemTech սպրինտ` Հայաստանում Չեխիայի դեսպանության հետ համագործակցությամբ: Մասնակիցները կաշխատեն մարդու իրավունքների պաշտպանության, ժողովրդավարության, տեխնոլոգիաների, UI/UX-ի և այլ ոլորտների մասնագետների հետ և կստեղծեն տեխնոլոգիական լուծումներ, որոնք կկենտրոնանան ժողովրդավարական պրակտիկաների և սկզբունքների վրա:

Հետաքրքրվածները կարող են դիմել որպես անհատ կամ խմբով, իսկ հետո կձևավորեն թիմեր: Սպրինտը կմեկնարկի բազմաթիվ խմբերով, որոնցից եզրափակիչ փուլում կմնան 10-ը, որոնք էլ կմասնակցեն վերջնական դեմո օրվան:

Առաջին շաբաթում մասնակիցները կծանոթանան ծրագրին, ինչպես նաև Թումո լաբերին: Սրան կհաջորդի սպրինտը, որի ընթացքում ուսանողները կմասնակցեն քննարկումների, հարցուպատասխանի ու աշխատարանների և հետո կսկսեն մշակել ու գործի դնել իրենց գաղափարները: Այս ընթացքում մենթորները և ժյուրին կորոշեն, թե որ 10 թիմերը կմասնակցեն վերջնական դեմո օրվան:

Դեմո օրվա ավարտին ժյուրին կընտրի երեք ֆինալիստներին:

Առաջին տեղ զբաղեցրած խումբը կստանա 600,000 դրամ արժեք ունեցող մրցանակ: Երկրորդ և երրորդ տեղ զբաղեցրած մասնակիցները համապատասխանաբար ստանան 400,000 և 250,000 դրամ մրցանակներ:

Մասնակիցները կկատարեն շաբաթական 20 ժամվա աշխատանք: